Idhanka.com » Somaliland

Daawo sidii Boorama Looga Ciida Shalay (Ciid Wanaagsan)

Idhanka — Mon, 21 Sep 2009 16:04:22 +0000

Halkan Toos uga Daawo Fadhigii Golaha Guurtida ee Maanta

Idhanka — Sat, 19 Sep 2009 18:03:57 +0000

Halkan ka Daawo fadhigii Golaha Guurtida ee maanta oo gacan ka hadal iyo buuq ku dhamaaday

Dagaal Culus oo ka dhacay Buqdhada iyo Boodhka oo keenay dhimasho iyo dhaawac badan

Idhanka — Sat, 19 Sep 2009 00:04:12 +0000

Borama(Idhanka)– Dagaal culus ayaa maanta ka dhexdhacay beelaha Dilla iyo Gabilay, dagaalkaas oo ka dhacay xuduuda labada degmo ee Baki iyo Gabilay gaar ahaan Aagaga Buqdhada iyo Boodhka, wararka ka imanaya jiidahaas ayaa sheegaya in ay weerarka soo qaadeen maleeshiyada dhanka gabilay ilaa sadex weerar oo isdaba jooga, ilaa hadase khasaaraha la soo sheegayo ayaa ah 5 qof oo dhaawac ah dhinaca Dilla iyo hal qof oo dhimasho ah, dhinaca Gabilayna wararka aan ka helayno ee aan la xaqiijin ayaa sheegaya 6 dhimasho ah iyo dhaawac aan tiradooda la hayn.

Dagaalkani wuxuu noqonayaa midkii ugu cuslaa ee ka dhaca jiidaas, isla markaana waa dagaalkii ay ku dhintaan ama ku dhaawacmaan dad intaas le’eg labada dhinac, weli waxa lagu soo waramayaa in dagaalku qaboobay, balse sida ay ku soo waramayaan dadka degen jiidaha ay wax ka dhacayaan waxaa jira is urursi ay wadaan beelaha gabilay oo ka socda deeganadooda, hadii dagaalku mar kale dhacana waxaa iman karta khasaare kan ka badan.

Si kastaba ha ahaatee waxa isweydiin leh sababta keentay wakhtigan loo diyaar garoobayo Ciida barakaysan ee Ciidal-Fidriga, waxa kale oo jirta in dhawaan khasaare ka dhacay dhanka Hargaysa oo weli shacabku la hafeefanayo khasaarihii halkaas ka dhacay, habase ahaatee xaalku wuxuu u muuqdaa waagibaryaaba waayo leh

source Awdalpress.com

A Congratulatory Note to Al-Aqsa Schools in Borama By: Abdirahman Aadan

Idhanka — Fri, 18 Sep 2009 21:57:05 +0000

Every year like this time, the result of Somaliland’s High School Leaving Exams are announced. As usual, last Saturday, the Minister of Education of Somaliland, announced the result of High School leaving exams. The result was disclosed in a Press Conference held by the Minister and the Chairman of National Examination Board. According to the statement of the Minister, private schools retained their lead as the students from Al-Aqsa-Borama and Nuradin-Hargeisa occupied top ten seats and scored high grades. For instance, 9 out of the top ten students were from private schools. However, this year, students from Al-Aqsa High School, a private school in Borama, made a history by occupying 4 of the country’s wide top ten. The students from this school promoted the reputation of their school and that of Awdal region in general. Mohamed Abdirahman Mohamuod, a young student from this school became the “Somaliland Student of the Year” by scoring the highest grade in all over the country. Similarly the first girl that occupied the 5^th position of the top ten is from Al-Aqsa. According to the Minister of Education, Rahma Ismael Yasin, made an unprecedented history as she secured the 5^th position of the top ten. This is the first time that a female student secures a seat in the male students dominated top ten.

Al-Aqsa was established early in 1990’s and the school has played an indispensable role in the revival of primary education at a time that security was very fragile and later on intermediate and high schools. The schooling system of Al-Aqsa helped the country the efforts to re-establish country collapsed educational system.

The school is now viewed by many to be one of the few best schools in Somaliland when it comes to quality education, discipline and academic excellence- a fact that this year’s leaving exam results can reflect. Presently, Al-Aqsa schools provide educational opportunities to thousands of students who go to the chain of schools that are scattered through out the regions of Awdal and Salal in Somaliland.

This school is also one of the main suppliers to Amoud University whereby a large number of students who have completed their high school at Al-Aqsa join Amoud every year as freshmen. Remarkably, the students from this school are not only characterized with their strong academic background but also their knowledge to religion and Islamic teachings. Since 2000, when the first batch of students completed their high school studies at this school, the school has produced a large number of students who have pursued their higher studies both inside and outside the country with different specializations.

In terms of employment, apart from the subordinate staff, more than 120 teachers got teaching opportunities from Al-Aqsa schools- a fact that makes Al-Aqsa Schools one of the largest job providing institutions of Awdal Region in general and Borama town in particular.

In conclusion to this short article, let me congratulate to the teachers and management of Al-Aqsa for their tireless efforts of bringing up our young generation with knowledge, good conduct and Islamic teachings. Also, my congratulations go to Mohamed Abdirahman Mohamoud and Rahma Ismael Yasin as well as other students who have made the history and demonstrated their personal competency and the quality education of their school.

By :Abdirahman Adan

Hargeisa

Dawlad Ku Meel Gaadh Ah Oo Uu Madaxweyne Ka Yahay Gudoomiyaha Guurtidu Madaxweyne Ku Xigeena Ka Yahay Gudoomiyaha Golaha Wakiiladu Habayaraatee Ma Jirto Meel Ay Labada Xisbi Ay Taladaas Ku Gaadheen……… Xisbiga UCID

Idhanka — Fri, 18 Sep 2009 15:07:44 +0000

Fadhi degdeg ah oo ay manta gudida fulinta ee xisbiga ucid isugu yimaadeen manta oo ay taariikhdu tahya 17/9/09 waxay ka doodeen kana baaran degeen qodobadan hoos ku xusan

Haddii aanu nahay xisbiga UCID waxaanu doonaynaa in aanu cadayn ka bixino warar lagu baahiyay warfaafinta gudaha iyo dibadda ah oo tilmaamaya sidan soo socota

In labada xisbi UCID IYO KULMIYE ay ku heshiiyeen in stratejiyad ( strategyad lagu dhisaayo markay wakhtiga madaxweynaha iyo ku xigeenkiisu dhamaado in la dhiso dawlad ku meel gaadh ah oo uu madaxweyne ka yahay gudoomiyaha guurtidu madaxweyne ku xigeena ka yahay gudoomiyaha golaha wakiiladu habayaraatee ma jirto meel ay labada xisbi ay taladaas ku gaadheen, waxa jira doodo fara badan iyo sinaarooyin dhex socda axsaabta mucaaradka ah indheer garatada wadaniga ah iyo dhalinyarada oo ku ligood ka hadlaya qaabka ay noqonkarto dawlad ku meel gaadh ahi .
Dhinaca kale waxaanu cadaynaynaa xisbiga ucid cadaynayaa strategyadii ka dhaxaysay UCID IYO KULMIYE ee la xidhiidhay doorashada iyo habsami soocdka siyaasada hadda tagan inay halkeedii tahay
Waxa xisbiga UCID wuxuu markasta adagyahay in danta wadanka ee guud laga hor mariyo ta gaar ahaaneed.
Waxa kale oo aanu raacinaynaa horena u cadaynay in wada hadalada hadaa socda ee ay dhexdhexaadinta ka ahaayeen baayacmushtariga,culimadda,hogaamiye dhaqameedyada ,urarada ,shakhsiyaad kale oo wadani ah iyo beesha caalamkuba in labad xisbi ay ku abaarayaan wadajir haddi madaxweyne loo tagayo iyo hadii kaleba

Wabilaahi taw fiiq

Afhayeenka xisbiga ucid

Xasan xuseen maxamed ( codka*

Xukuumada Somaliland Oo Guddoomiyaha Golaha Guurtida ku Eedeeysay inuu Dalka ka Dhigayo Inqilaab Madaxtinimo

Idhanka — Thu, 17 Sep 2009 14:49:17 +0000

Hargeysa (Idhanka)- Wasiirka Wasaarada Arrimaha Dibadda Somaliland Md. Cabdillaahi Maxamed Ducaale, ayaa Guddoomiyaha Golaha Guurtida Md. Saleebaan Maxamuud Aadan ku eedeeyey inuu damacsan yahay in uu dalka ka dhigayo inqilaab uu ku damacsan yahay in kursiga Madaxweynimo kula wareego, isla markaana waxa uu dooday inay hayaan caddamo la xidhiidha arrintaas.

Waxaa kaloo wasiirku sheegay in hadafka Gudoomiyuhu Guurtidu yahay in dalka laga sameeyo dawlad ku-meel-gaadh ah oo dalka doorasho gaadhsiisa. Waxaana Wasiirku sidan ku sheegay waraysi uu xalay siiyey Telefiisahanka caalamiga ah ee Universal.

Waxaana Wasiirku hadalkiisa ku bilaabay oo uu yidhi “Waxaannu qabnaa inuu Guddoomiyaha Guurtida Saleebaan-gaal lugta kula jiro bil kuli-ixtaraam oo isaguna fidnada ugu weyn maanta yahay, qaybna ka yahay oo aad moodo in aanu aqalkiisiiba [Golaha Guurtida] ku kalsoonayn oo uu qayb ka noqday Shirguddoonka kale [Wakiilada] oo aad moodo inuu wato ajande kale oo gaar ah oo aan anigu u malaynayo inay tahay inqilaab oo ah daaqad kaga soo-bood hawsha [kursiga madaxweyneha] ah.”

Waxaana uu intaas raaciyey oo uu yidhi “Ta caddaanka ah waxa weeye in la sameeyo dawlad ku-meel-gaadh ah oo dalka doorasho gaadhsiisa. Kuraasida hadda waa lagu fadhiyaa, markaa xaggeebay arrintaas oo kale ka timaaddaa, ninka seexday ee riyooday ee soo dhaqaaqay isagoo aan toosin xagay ka dhacdaa.”

Mar wasiirka la su’aalay in waraysiyo kala duwan oo lala yeeshay Guddoomiyaha Guurtida aan mar qudha afkiisa laga ahayn inuu kursiga doonayo, waxa uu ku jawaabay; “Annnagaa caddaan u hayna, waxaanuna haynaa ta uu yidhi anigaa xaq u leh, anigaa gaadhsiinaya doorasho, taasaa laga hayaa, wax qarsoona maaha, waannu haynaa oo waa la wada ogyahay, siyaasiyiinta dalku way ogyihiin, dibad iyo gudoba waa laga ogyahay in arrintu tahay aynu dhinac iska dhigno dawladdan dhisan ee doorashada ku timi oo innagu aynu keeno dawlad ku-meel-gaadh ah oo doorasho gaadhsiisa dalka, way soo baxday arrin qarsoona maaha,” ayuu yidhi Md. Ducaale.

Oodweynenews

“27-ka bishan markay gaadho xilkii Madaxweynaha iyo Ku-xigeenku bil ka bacdi waa inay wareejiyaan ama…” Saleebaan M. Aadan

Idhanka — Wed, 16 Sep 2009 18:47:11 +0000

Hargeysa (Idhanka)- Mudaneyaasha Golaha Guurtida Somaliland, ayaa shalay isku raacay inay darsaan khilaafaadka siyaasadeed ee dalka ka oogan, isla markaana ay xal ka gaadhaan dib-u-dhaca ku yimi doorashada Madaxtooyada oo lagu waday inay dalka ka qabsoonto 27 September 2009.

Fadhigii shalay ee golahaas oo uu gudoominayay Guddoomiyaha Guurtida Saleebaan Maxamuud Aadan, waxa ka xaadiray 59 Mudane oo ka mid ah 82 xubnood ee uu ka kooban yahay. “Doorashadii Madaxweynaha iyo Ku-xigeenku waa tii ahayd inay qabsoonto 27-ka bishan September, Guddiga Doorashooyinkuna waxay yidhaahdeen ma qabsoomayso, isla markaana waxa jira khilaafaad badan. Goorma ayay doorashadii qabsoomaysaa? mudada ka hadhay doorashada ee dhamaadka muddda xil-haynta Madaxweynaha maxaa la yeelayaa? arrimahaasi waa kuwo gole ahaan inaga inoo yaala,” ayuu yidhi Guddoomiyaha oo hadal kooban ka jeediyay fadhigaas. “Maxaa la yeelayaa haddii ay jiraan khilaafaad goleyaal iyo bulsho? Waxay noogu muuqatay (Shirgudoon ahaan) in Goluhu xal isla raadiyo, 27-ka bishan markay gaadho xilkii Madaxweynaha iyo Ku-xigeenku bil ka bacdi waa inay wareejiyaan ama iyagu ay ku soo noqdaan. Waa arrimo inoo yaala – khilaafaadka dad badan baa ku jira, Mudaneyaal waana xilkeenii. Salaadiin, baayac-mushtari iyo Culimo-awdiin isku lamaan, rag aqoonyahano ah ayaa ku jira iyo ajanabi baa ku jira, iyana inay ka hadheena waabay dhici kartaaye, waxaan jecelahay inaynaan is-haaraan iyo is-canaanasho gelin ee aynu is waydiino sidee ayaynu arrintan u gudo galaa, khilaafaadka dhacayna isugu soo dhawaynaa ama u daminaa,” ayuu raaciyay Saleebaan Maxamuud Aadan.

Mudaneyaasha goluhu waxay dood kulul ka yeesheen sida xal loogu heli karo khilaafaadka siyaasadeed iyo Sharciyeed ee haatan jira iyo maaraynta dib-u-dhaca mar kale ku yimi doorashada Madaxtooyada oo xilligii loo muddeeyay 11 maalmood oo keliyi ka hadhsan yihiin.

Dooddaas oo ay isu diiwaangeliyeen 41 Mudane, waxa shalay dooddooda dhiibtay ilaa tobaneeyo xubnood, waxayna talo soo jeedinta Mudaneyaashu ku soo ururtay laba qodob oo kala ah; in Goluhu u yeedho sadexda xisbi qaran, si wax looga waydiiyo inay ka heshiin karaan dib-u-dhaca doorasashada iyo inkale iyo qodobka labaad oo ah in Shirguddoonku kulan la yeesho xisbiyada siyaasada, ka dibna Golaha dib ugu soo celiyo warbixin dhamaystiran.

Hase yeeshe, markii cod loo qaaday labadaas qodob, waxay Mudaneyaashu isku raaceen in Shirguddoonkoodu ay la kulmaan axsaabta siyaasadda, isla markaana ay iyagu warbixin laga duulo hor keenaan Golaha, taasoo ay cod gacan-taag ah ku ansixiyeen 48 Xildhibaan, halka soo-jeedinta labaadna ay u codeeyeen 10 Mudane.

Mudaneyaasha dooddaa shalay ka qaybgalay, waxay qaarkood soo jeediyeen inaan mar dambe loo kordhin Xukuumada Somaliland, taas bedelkeedana lala xisaabtamo, halka kuwo kalena ay soo jeediyeen in waqti cusub oo dheeraad ah loo kordhiyo Xukuumadda Rayaale, maadaama ay Komishanka Doorashooyinku caddeeyeen in aanay doorashadu qabsoomayn khilaafna dalka ka taagan yahay, iyadoo lixdii bilood ee hore Guurtidu ugu kordhisay Xukuumadda ay kaga egtahay 29 bisha October 2009.

Marka la eego doodda Mudaneyaasha, waxa muuqata in Golaha Guurtidu si wayn ugu kala qaybsan yahay muddo-kordhin mar kale loo sameeyo Madaxtooyada.

Ogaal

Ganacsato isu xil qaantay xalinta khilaafka siyaasadeed ee Murugsan

Idhanka — Mon, 14 Sep 2009 17:15:19 +0000

Hargaysa,(Idhanka)- Waxa xalay kulan balaadhan uu dhex maray ganacsatada Somaliland oo ay weheliyaan laba ka mid ah culimada waaweyn ee Somaliland iyo xisiyada mucaaridka oo ay horkacayeen labada gudoomiye iyo shir gudoonka golaha wakiilada Somaliland, kulankaai oo qaatay mudo 4 saacadood, waxa uu ka dhacay Hotel Mansoor ee magaalada Hargaysa.

Kulankaasi waxa lagagawada hadlay xaalada uu dalku maraayo iyo sidii loo abuuri lahaa jawi wada hadal oo dhex mara xukmada iyo xisbiyada mucaaridka oo ay weheliyaan shir gudoonku, iyo sidii loo kala dhex gali lahaa golaha laftiisa oo ay ku habsatay kala qaybsanaan iyo colaad joogto ah oo dhexdooda taala.

Kulankaasi oo xalay jawi wanaagsan ku dhamaaday waxa ay kooxdani is xil qaantay ay sidoo kale ay la kulmayaan xukumada Somaliland iyaga oo isla maantaba ay sheegayaan wararku in ay la kulmi doonaan madaxweynaha, taasi oo ay wararku sheegayaan in xukumadu ay soo dhawaysay gudidani is xil qaanatay oo laga yaabo in ay soo af jaraan xalinta khilaafyadani

Source Qarannews

Guddoomiyayaasha xisbiyada mucaaridka ah oo booqday dadkii ku dhaawacmay mudaharaadkii Sabtidii ka dhacay Hargeysa iyo hadaladii ay jeediyeen.

Idhanka — Mon, 14 Sep 2009 17:04:22 +0000

Hargeysa (Idhanka)- Sept. 14,2009-Guddoomiyayaasha xisbiyada mucaaridka ah ee KULMIYE iyo UCID, ayaa maanta booqday 14 qof oo ku dhaawacmay mudaharaadkii Sabtidii ka dhacay magaalada Hargeysa, kuwaasi oo lagu dawaynayo cisbitaalka guud ee caasimada.

Guddoomiye xisbiga Kulmiye, Axmed Maxamed Maxamuud (Siilaanyo) oo uu weheliyay murashaxiisa madaxweyne ku xigeenka Eng. C/raxmaan C/laahi Ismaaciil (Saylici), ayaa ku soo wareegay waadhadhka cistibaalka guud ee ay yaaleen dadkii ku dhaawacmay mudaharaadkii iyo bukaanka kale ee jiifay waadhadhkaasba, kuwaasi oo ay u ducaynayeen.

“Waxaan maanta Cisbitaalka u nimid in aanu soo booqano oo aanu uducayno dadkii la dhaawacay oo rag iyo dumarba lahaa oo wax ay galabsadeen aanu jirin, waxa kale oo meelwalba laga soo sheegayaa oo aynu ognahay in dad badan oo aan waxba gaysan xabsiyada loo taxaabay iyagoon hub sidan cidii xabada lala dhacayayna ay iyaga ahaayeen,” ayuu yidhi Guddoomiyaha Kulmiye, waxaanu ku baaqay in si degdeg ah loo siidaayo dadkii loo xidhxidhay mudahadaraadkii Sabtidii ka dhacay magaalada Hargeysa.

Dhinaca kale guddoomiyaha xisbiga UCID Eng. Faysal Cali Waraabe, oo ay weheliyeen xubno ka tirsan saraakiisha xisbigiisa, ayaa booqday dadkii ku dhaawacmay mudaharaadkii ee lagu dawaynayay cisbitaalka guud, halkaasi oo uu ugu duceeyay oo uu Ilaahay uga baryay inuu shaafiyo.

Ramaasnews

Madaxweyne Daahir Rayaale Kaahin oo Qasriga Madaxtooyada Saxaafada ugaga waramay wixii shalay dhacay

Idhanka — Sun, 13 Sep 2009 20:15:45 +0000

Hargaysa(Idhanka)Madaxweyne Rayaale waxa uu ugu horeyn u qadaimay shacbiga Tacsi uu u diray shacbiga Somaliland isagoo ka Tacsiyadeeyay dhibaatadii shalay dhacday magaaladda hargeysa,waxaanu ugu baaqay inaan mar danbe waxaan qaranimada ahayn dhiig loo daadin

Madaxweyne rayaale waxa uu mar kale u soo jeediyay axsaabta iyo shirguddoonada labada goleba wax wadahadal ku dhamaan kara inaan dagaal la gaadhsiin,waxaanu mar kale ku baaqay wada hadal bilaa shuruud ah inuu diyaar u yahay

Madaxweyne rayaale waxa uu si adag uga digay inaan shacbiga Somaliland mar danbe hagar daamo loo geysan isla markaana aan lagu ridin tafaraaruq danbe oo kii lixdankii oo kale ah,waxaanu sheegay mar danbe haddii lakala diro inaan fursad loo heli doonin in la isku soo celiyo

“Cadaw badan baan leenahay,dad badanbaa inaga faa’iidaysan doona,nabadan maanta aynu hayno wada dheer baa loo soo maray dhibaatooyin badana waa loo soo maraya. Haddii maanta ay inaga wiiqanto oo ay inaga furanto sida looga soo kabtaa aad bay u adkaanaysaa qiimo aan ku badalan karnaana ma jiro. Waa la isku qaban karaa siyaasadda iyo hadalka laakiin inaan wadahadalo wixii aan hadal ku dhamayn karno,inaan cunfi u adeegsano oo carruurteena lagu lu gooyo taa anigu waan ka talinayaa. Shacbiweynahana waxaan leeyahay xisbi kasta oo naga mid ah codbay idinku leeyihiin dhiigiina inaad daadisaan maaha,shacbiweynaha waxaan leeyahay nina dhiigiina ha u daadinina,difaaca qaranimadeena uun baan dhiig u daadin karnaa, xantaxantaysiga xisbiyada ninkastiba ololihiisa siduu u sheegayo”

“ninka masuula ah ee ku taliya nabadgelyo daro hala sameeyo oo kursibaan rabaa maslaxad uma hayo,ummada waxaanu leenahay inaanu u tartano warqad codka inay ku ridaan,waxaa laga hadlaa had iyo jeer madaxweynahaan doorasho doonayn,horta doorasho anigaa bilaabay waxaan idhi Somaliland doorashay ku iibsamaysaa, dibu dhaca doorashooyinka duruufaa keenay waxa la igu calaamadiyaa anigoo kaliya muran iyo khilaafyo badanbaa keenay. Anigu maalintii dhawayd waanigii idhi aynu toos u galo xisbiyadaa diiday”