IDHANKA.COM

Report: Ottawa becoming more diverse

Idhanka — Wed, 10 Mar 2010 14:43:52 +0000

Ottawa is set to become even more diverse, according to a new report on diversity from Statistics Canada.

The report projects that by 2031 the proportion of Ottawans born in another country will be 29% — fifth among the 34 centres studied by StatsCan and three percentage points higher than the national average.

Four years ago, 22% of Ottawa’s population was foreign-born, placing the city fourth in the country and two percentage points above the national average.

Projections for Ottawa’s visible minorities are more drastic.

In 2006, visible minorities made up 19% of the Ottawa community, three points above the national average. That is projected to jump to 36% — four points higher than the average — by 2031.

Representatives of Ottawa’s Asian community — expected to make up more than 50% of the city’s foreign population by 2031 — said there are many good reasons to choose the national capital as an adopted home.

“Some people come to Ottawa from northern parts of China where the weather is very similar,” said Winnie Wang of the Federation of Ottawa Chinese Community Organizations, which represents 39 different groups.

“People from the north would be used to this climate and enjoy skating and so on,” she said.

Wang said the other reason is Ottawa is known as a government town with a strong hi-tech sector.

“Chinese people like to study to get a good position and a good profession,” she said.

Meanwhile, Ottawa Chinatown BIA executive director Grace Xin said people like herself from southern China chose Ottawa because they’d like a break from the heat and crime.

“Ottawa is the biggest small town,” Xin said. “It’s not busy like Shanghai or Toronto, but everything you need is here. It is a safe city to raise your children.”

Past studies have shown immigrants choose a new city based on proximity to family, friends and job opportunities, StatsCan spokesman Eric Caron-Malenfant said.

StatsCan also prepared projections for Gatineau. Fewer foreigners are expected to live there than Ottawa, but the increase could be more dramatic.

By 2031, Gatineau’s foreign-born population could jump to 15% from 8% and its percentage of visible minorities could jump to 14% from 6%. Both those figures are still well below the national average.

The existence of a Chinatown in Ottawa might account for the difference between the two neighbouring cities, Xin said.

doug.hempstead@sunmedia.ca

By DOUG HEMPSTEAD, Ottawa Sun

Kayse Cali Geedi Oo Maanta Si Rasmi Ah Ugu Biiray Xisbiga UDUB,

Idhanka — Wed, 10 Mar 2010 14:31:39 +0000



Hargaysa, (Idhanka)-Waxa maanta Hotel Crown ee magaalada Haragaysa lagu qabtay xaflad aad iyo aad u balaadhan oo ay soo qaban qaabiyeen xisbiga talada dalka gacanta ku haya ee UDUB, xafladaasi oo lagu soo dhawaynaayay Kayse Cali Geedi Diiriye oo ahaa xoghayahii maaliyada ee xisbiga mucaaridka ee UCID. Xafladani oo ilyartu is qabatay waxa lagu soo dhawaynaayay ama loo qabtay mudane Kayse Cali Geedi oo maanta si rasmi ah shaaca uga qaaday in uu ku soo biiray xisbiga UDUB, xafladani oo ay ka hadleen madaxda xisbiga UDUB , iyo xubno wasiiro ah iyo madax kale oo maanta xaflada lagu casuumay, ayaa waxa xafladaasi soo dhawayn qaali ah ku soo dhaweeyay afhayeenka xisbiga UDUB, mudane Cali Guray, xafladani waxa maanta goobjoog ka ahaa badiba madaxda sar sare ee xisbiga udub oo uu ka mid ahaa xoghayaha xisbigaasi mudane Jamac Yaasiin Faaraxa, iyo wasiiro iyo wasiiro ku xigeeno Waxa uu Cali dhaliilay xisbiyada UCID iyo Kulmiye isaga oo sheegay in aan hayb iyo qabyaalad Faysal Cali Waraabe ayna ku raacaynin horena uga diideen isla markaasina uu sheegay in meesha ay dimuquraadiyad tahay oo qof walbaaba uu galaayo xisbiga uu u arki in uu yahay ka saxda ah, taasina waxa aan sheegayaa in xisbiga UDUB uu yahay xisbiga kaliyaata ee u eeg xisbi qaran, oo ay cidkastaaba ka dhex muuqato. Waxa sidoo kale uu Cali Guray uu dhaliil xoogan u soo jeediyay xisbiga Kulmiye oo uu ku tilmaamay kuwo ku dhaqma waxyaabo ka baxsan anshaxa, waxa aanu daliil taasi uga dhigay, isga oo soo qaatay xiligii Axmed Siilaanyo oo ah gudoomiyaha Kulmiye lagu soo dhawaynaayay magalada Hargaysa, markii uu dhawaan ka yimid dalka Maraykanka, waxa uu Cali Yidhi Siilaanyo waa la soo dhaweeyay anaguna wax dhib ah umaanu gaysan xisbi ahaan iyo taageerayaashayaduba. Lakiin markii la soo dhawaynaayay gudoomiyahayaga markii uu ka soo laabtay socdaalkii uu dhawaan ku maraayay gobolada dalka ee uu Hargaysa soo galay, xisbiga Kulmiye tageerayaashoodu waxa ay cay iyo sawaxan iyo aflagaado u gaysteen xoghayaha xisbigayaga ee udub mudane Jamac Yaasiin Faarax, waxa waxaas samaynaayay ee ciyaalka soo diraayay waanu arkaynay iyaga oo dhoosha ka qoslaayay waananu la joognay magaalada, waxaasi wax loo dul qaadan doono ma aha Cali isga oo hadalkiisa sii wata waxa uu yidhi, waxa aan halkan uga dirayaa xisbiga Kulmiye in dulqaadkii iyo iska aamusnaantii ay naga soo dhamaatay oo aan mar danbe la isu dul qaadan doonin, hana u qaadanina in in Axmed Siilaanyo magaalada si qaylo laan ah loogu soo dhaweeyo oo uu dhex tax taxaasho, Jamac Yaasiina lagu qayliyo Wasiirka warshadha mudane Ubaxle oo isna halkaasi ka hadlay ayaa si diiran u soo dhaweeyay Kayse Cali Geedi isla markaasina sheegay in uu ku soo biiray xisbigii saxda ahaa, waxa uu wasiirku uu amaanay xisbiga UDUB, waxa aanu sheegay in uu yahay xisbi ka turjumaaya qaranimada Somaliland oo ay cid kastaaba ka dhex muuqato Waxa goobtaasi iyana ka hadlay wasiirka macdanta iyo biyaha mudane Cismaan iyo wasiir ku xigeenka cadlaada waxa ayna soo dhaweeyeen Kayse Cali Geedi oo ay gacmo furan ku soo dhaweeyeen. Waxa sidoo kale iyana goobtaasi ka hadashay xogahayaha arimaha garabka haweenka ee xisbiga Udub ee gobolka maroodi jeex, isla markaasina gacmo furan iyo qalbi furanba ku soo dhawaysay mudane Kayse Cali Geedi. Kayse Cali Geedi oo dhawaan ka baxay xisbiga UCID isla markaasina dhaliilo cul culus u soo jeediyay Gudoomiyaha xisbiga ucid, ayaa ah shaqsi aad u degan, ayaa isna lagu soo dhaweeyay xafladaasi oo hadalo kooban ka soo jeediyay, mudane Kayse waxa uu qudbadiisa ku bilaabay oo uu yidhi. Maanta halkani umaan imanin in aan hadalo ka soo jeediyo ama aan ka qudbadeeyo, waxa aan hadal kooban ku leeyahay oo aan idiin sheegayaa aniga oo ah Kayse Cali Geedi iyo tageerayaashaydii oo ay ka mid yihiin Laba cheif Caaqil, iyo tageerayaal badan oo aan lahaan jiray in aanu maanta si rasmi ah ugu soo biirnay xisbiga UDUB. Markii uu hadalkaasi daboolka ka qaaday ayaa sacab iyo mushxarad goobtu isla oogsatay, waxana goobtaasi Kayse Cali Geedi lagu saaray koofiyado iyo calanka ama astaanka xisbiga UDUB. Kayse isga oo hadalkiisa sii wata waxa uu yidhi, iskama aanan soo galin xisbiga udub, ee waxa aan ku soo galay talo iyo arin xaqiiq ah oo dhab ah, waxa jirtay in markii aan ucid ka baxay ay ila soo xidhiidheen Kulmiye iyo UDUB , waxa aan ka bacidi ku laabtay taageerayaashaydii oo boqol ka mid ah aan la tashaday oo aan waydiiyay miyaan iska laabtaa dalka oo ku noqdaa qurbihii aan ka imid? Markaa waxa ay iigu wada jawaabeen boqolkiiba ha laaban ee nala joog, waxa aan markale waydiiyay hadaba xisbiyada Kulmiye iyo UDUB iyamaan ku biiraa cod ayaan u qaaday dabadeedna boqolkii 16′ka mid ahi waxa ay igu yidhaahdeen waxa aad gashaa Kulmiye, 84′kii klana waxa ay igu yidhaahdeen UDUB, gal oo aan ku biirno. Markaasi waa sidaasi sida aan maanta Udub aan ku soo galay, waana xisbiga ay tageerayaashaydii doorteen oo aan ana iyaga maqlaayo oo aan ku taageersanahay maanta laga bilaabana UDUB ayaan ahay, aniga iyo tageerayaashaduba taladoodana waan qadarinayaa, mid kalena waan idiin sheegayaa waxa haboon in wadanka loo shaqeeyo oo qadiyadeena kor loo qaado oo nabadgalayada la wada ilaashado, qadiyadeenana cirkaasi la gaadhsiiyo oo laga wada shaqeeyo anigana taasi ayaa iga go’an. Maanta xaflada ayaa laga soo jeediyay gabayo iyo heeso qiiro ah oo lagu taageeraayo xisbiga UDUB, iyo hogaankiisa sare iyo iyada oo lagu dhiiri galinaayay in shicibka Somaliland ay qabyaalada iska dhaafaan oo tageeraan dimuquraadiyada iyo hanaan u socodka xisbiga talada haye ee UDUB. Hadaba marka aad dhex gasho bulshada gaar ahaan caasimada ayaa waxa si xawli leh u soo xoogaysnaaya taageerada loo haya xisbiga tlada haya ee udub, iyada oo ay dadka badankoodu hada ka soo taaganyihiin siyaasda xisbiyada mucaaridka ah. Source-Qarannews

Boosaaso: Hay’ada Tadamun oo 320 dhalinyaro bartay Xirfadda Ganacsiga iyo Qorshaynta Ganacsiga, Shahaadana siisay

Idhanka — Wed, 10 Mar 2010 13:24:20 +0000

Boosaaso(Idhanka)- Hay’ada Wadaniga ee Tadamun ayaa doraad shahaadooyin guddoonsiisay 80 dhalinyaro oo ka mid ahaa 320 dhalinyaroo oo dhammaystay Tababar 5 maalmood soconayay oo ay ku barteen Xirfadda Ganacsiga iyo Qorshaynta Ganacsiga.Barnaamijkan oo lagu tababaray dhalinyaro tiradoodu dhantahay 320 dhalinyaro oo ka kala dhacayay Magaalooyinka Bosaso iyo Garowe, waxaa fulinaysay Ha’ayda Tadamun. Waxaana Maalgelinayay Hay’adaha ILO iyo unicef.

Xaflad ka dhacday Xarunta Cusub ee Tadamun ee Magaaladda Bosaso oo Lagu soo xirayay qaybtii Labaad ee Tababarkaas oo soconayay 4 Maarso ilaa 8 Maarso ayaa waxaa ka qaybgalay Masuuliyiinta hay’ada Tadamun, islamarkaan waxaa xaflada lagu Marti qaaday Culuma’udiin, Isimo, Xubin ka socotay Wasaaradda Sportiga iyo Dhalinyarada iyo Wakiil ka socday hay’ada Unicef.

Furitaankii Xaflada waxaa ka hadlay Guddoomiyaha Hay’ada Tadamun C/laahi Sheekh Xasan oo sheegay in Tababarkan dhalinyaradu ku baranaysay xirfada dhinaca Ganacsigaoo ay ku shaqaysan karaan ay tahay fursad qaali ah oo soo Martay dhalinyaradan “ Waxaan ogsoonahay, oo qof walba dareensan yahay in Noloshu tahay in qof walba uu shaqaysto. Waxaa la yiraahdaa Ceeb wax leh nimaan shaqaysan, Nin Derbi ama fadhi ku dirir fadhiya ayaa wuxuu leeyahay ceeb oo dhan. Waxaad fursad u hesheen Tababarkan 5ta maalmood socoday. Markaa waxaa loo baahan yahay in laga miro dhaliyo, oo aad ku shaqaysataan xirfadii la idiin baray, Waxna aad soo saarteen, Bulshadana aad u noqotaan wax Naafic ah( Faa’iido leh), sidaad la socotaan, innagu Muslimiin bay nahay, Qofka Muslimka ah waxaa laga rabaa in uu noqdo qof Waxsoosaar leh, oo bulshada wax ugu filan, isaga iska daayee, waxaa la rabaa in uu dadka kale anfaco. Waxaa laga yaabaa in qofku jecel yahay in uu wax qabsado,laakiinse ay xirfadii uu wax ku qabsan lahaa ay ka maqan tahay. Waxaa laga yaabaa in qofku rabo in uu kalluumaysto,laakiinse uusan aqoonin sidii uu u kalluumaysan lahaa.

“Waxaa laga yaabaa in uu doonayo in uu ganacsado laakiinse uusan aqoonin sidii uu ganacsiga u bilaabi lahaa. Markaa Barnaamijkan oo loogu Magacdaray sidii aad u bilaabi lahayd Ganacsigaa gaarka ah (Start your Business),waxaan rajaynayaa in aynaan khasaarin Profosoradii Bixiyay tababarkan tacabkoodii, oo wixii ayna bareen ku dhaqano, ooynu ku intifaacno, bulshadeeda ku anfacno, ummadda soomaaliyeedna ku anfacno. Markaa waxaan ku soo gababaynayaa Hadalkayga, Qof Caaqil ah oo Meel iska fadhiyaa,Bulshada Cudur buu ku yahay” Sidaas waxaa yiri guddoomiyaha Hay’ada Tadamun.

Dhanka kale, Prof Axmed Maxamed Barre oo ka mid ah Profosorada wax ka dhiga Jaamacada Bariga Africka ee Bosaso, kana mid ahaa Macalimiintii Bixinayay Tababarkan kor loogu qaadayay aqoonta Ganacsiga ee dhalinyaradda reer puntland ayaa ka warramay waxyaabihii kala duwanaa ee ay dhalinyaradan soo barteen, Waxaana uu yiri” Barnaamijkan “ Start your Business” wuxuu uu ahaa mashruuc dhalinyarada lagu barayay Sidii ay u bilaaban lahaayeen Ganacsi ay iyagu leeyihiin. Marka aad doonaysid in aad bilowdo ganacsi aad adigu leedahay, waa in aad haysataa Fikradii, oo aad ku naawilaysid in aad samaysato wax aad adigu leedahay, Laakiinse Haddii dhexda lagaa soo geliyo waa kugu adkaanaysaa. Gabar haddaad tahay oo aad rabtid Gabdhaha inaad u xinido (Burikiyeeri), in ay niyadaada kujirto marka hore weeye. Ganacsiguna waxaa uu ka bilowdaa fikrad ayii ka bilowdaa, markii aad la timaado fikradii iyo Hal abuurkii,kadibna sidii aad u samaysan lahayd Qorshihii Ganacsiga, ilaa aad is waydiiso waar Ganacsiga ma Bilaabi karaa, 100% shuruudihii layga rabay waa fuliyay, oo Nidaamku ahaa in aad ka jawaabtid 22 Su’aalood oo Ganacsiga aad ku jawaabtid HAA. Markaa waad bilaabi kartaa.Markaa barnaamijkan waxaa uu anfacayaa qofka diyaarka ah, Waxaanuna ka caawinaynay sidii u samaysan lahaa Ganacsi iyo Qorshaynta ganacsiga iyo Dhammaan wadooyinkii uu mari lahaa” Sidaas waxaa yiri Prof Axmed barre.

Barnaamijkan, Dhalinyarada Lagu qalbaynayay Xirfadda Ganacsiga iyo qorshayntiisa waxaa uu sidoo kale ka socday magalaada Garowe, kaasi oo lagu tababarayey 160 dhalinyaro ah.

Kaamil Nidaam Aadan oo ka tirsan Xafiiska Hay’ada Unicef ee Puntland oo xafladii shahaadooyinka lagu Guddoonsiinayay dhalinyarada Hadal ka jeediyay, waxaa uu ka hadlay Ujeedada Barnaamijkan iyo Sababta Muhiimadda Gaarka ah loo siinayo dhaliyaradda, “ Waad la socotaan dhibaatooyin farabadan baa haysta dhalinyaradii qaar badan oo ka mid waxaa haysata Waxbarasho la’aan, Qaar badan oo ka mid ah waxay iskaga biireen Burcad-badeed iyo shaqaaqooyinkan badan ee dalka ka jira, Waxaanu ugu talagalnay, oo muhiimadiisa kowaad ay tahay, in dhalinyardii Xirfad loo sameeyo, In dhalinyaradii la maalgeliyo, in dhalinyaradii aanu u aragno in ay yihiin xubintii ugu muhiimsanayd ee Bulshadda, Maxaa yeelay Horumarka kasta oo bulshadu gaarto waxay ku xirantahay dhalinyaradeedu meesha ay taagan tahay. idiinku nasiib baad leedihiin, Waxaan ku iri dhalinyaradii Garowe Tababarka qaadanaysay, dadka reer Puntland waxaa lagu qiyaasaa labo Milyan iyo waxoogaa. Baaritaan ay samaysay UNDP waxay ku sheegtay in 50% Somalidu waa dhalinyaro, hadii Puntland 2 milyan iyo waxoogaa Qiyaas ahaan ay tahay, Markaa 1 Milyan iyo waxoogaa waa dhalinyaro,,haddii aad noqoteen Kooxdii u horraysay, oo ku guulaysata in aad heshaan Xirfadii ganacsi ee aad u baahnaydeen, in ganacsi la idiin abuuro waa Fursad Qaali ah” Sidaas waxaa yiri Kamaal Nimaad Aadan oo ka tirsan Hay’ada Unicef, oo sidoo kale ugu bishaareeyay dhalinyaradii dhamaysatay Tababarkan in la siin doono waxooga yar oo ay ku bilowdaan Ganacsi, laakiinse buu yiri waa kuwa la yimaada, Hal abuur iyo qorshe sax ah.

Xafladan waxaa sidoo kale haddalo kooban ka jeediyay Sheekh C/risaaq Xuseen Ciise, Suldaan Maxamed Cabdi Muuse iyo Khaliif Axmed xasan oo ka socday wasaaradda Dhalinyarda, Cayaaraha iyo shaqaalaha dowladda Puntland.

Si kastaba ha ahaatee, Tababarkan lagu qalabaynayay 320 dhalinyaro ah Xirfadda Ganacsiga iyo Qorshaynta Ganacsiga, ama sidii ay bilaaban lahaayeen Ganacsi iyaga u gaar ah, waxaa uu qaybtiisii kowaad furmay 27 Febraayo, waxaana uu socday ilaa 3 Maarso ee sanadkan 2010 waxaana ka faa’iidaystay 80 dhalinyaro ah. Dufcadii labaadna oo ahaa 80 willal iyo gabdho,oo Doraad shahaadooyinka la guddoonsiiyayna waxay tababarka qaadatay 4tii Maarso ilaa 8 maarso 2010.

Hay’ada Tadamun oo barnaamijkan Bosaso iyo Garowe ka fulinaysay, iyadoo gacan ka helaysay Hay’adaha ILO iyo unicef. Deeqdaas oo toos uga timid Dadka Wadanka jaban “From People of Japan” Waa hay’ad wadani ah oo la asaasay sanadkii 1992-dii, waxayna ka shaqaysaa arrimaha Waxbarashada, Caafimaadka, biyaha, dhalinyarada iyo dhammaan Barnaamijyada faa’iidada uleh Bulshada Soomaaliyeed ee reer Puntland.

Source-allpuntland.

Suldaan X. C/raxmaan Dhawal iyo wafti Balaadhan oo uu hogaaminayo oo Si Diiran Loogu soo Dhaweeyey Borama+Sawiro

Idhanka — Wed, 10 Mar 2010 13:15:13 +0000

Borama(Bnn-Idhanka) Maalmihii udanbeeyay ayaa laga dareemayay Jawi soo dhawayna magaalada Borama. Suldaan X.C/raxmaan Jaamaca Dhawal iyo wafti Cuqaal , madax dhaqameedyo, wax garad, mutacalimiin iyo ganacsato ku maqnaa dalka jabuuti.Gudiga loo saaray qaban qaabada oo aan xalay saacada danbe shabakada caalamiga ah ee Borama news khadka telefoonada an kala hadalnay qaar ka mid ahi

ayaa waxa ay noo sheegeen in ay qaban qaabadu halkii u sareysay marayso waxaa ka mid ahaa Axmed Mu’min Seed iyo Adam Nuur Faarax iyo laba iyo tobanka cuqaal ee Beel waynta Habar cafaa.

Suldaanka iyo waftigiisa ayaa si diiran loogu soo dhaweeyay magaalada meel u jirta 5km.

Suldaanka ayaa markii uu soo gaadhay magaalada fiiqeedaayaa waxaa kaga hortagay dadwayne aad ufarabadan oo ay ka mid ahaayeen 12caaqil ee beelwaytan Habar cafaan.

Siyaasiyiin, wax garad , aqoonyahano u badnaa beesha

Suldaanka oo lahadlay markii uu soo gaadhay tuulo uxigta magaalada oo la yidhaahdo Carro garanuug ayaa waxa uu sheegay in si wayn loogu soo dhaweeyay Dalka jabuuti gaar ahaan dadka uu u yahay Suldaanku ay kaga hor yimaadeen xadka u dhaxeeya Jabuuti iyo Somalilnad magaalada layidhaahdo Lawyacado. Waxa kale oo uu sheegay

in booqashadiisu ay ahayd mid Bulshada Reer Awdal/Salal ee ku nool dalka Jabuuti iyo Bulshada kale ee ku nool jamhuuriyada Somaliland isku xidhkooda iyo ka warhaynteeda sida uu u sheegay Saxaafada halkaas kaga hortagtay.

Waxa kale oo uu sheegay inuu la kulmay wasiiro, Xildhibaano iyo aqoon yahano. Ganacsato iyo Culumo ka soo jeeda Goboladan ayna ka wada hadleen sidii ay uga qayb qaadan lahaayeen Dhismaha iyo wax ka qabashada Dalkooda iyo Dadkooda.

Waxa kale oo uu suldaanku sheegay in uu daalan yahay dhawaana uu o faahfaahin doono Bulshada booqashadiisa jabuuti iyo arimo badan oo ay kala hadleen Dawalada Jabuuti.

Sidoo kale waxa uu sheegay in ay dawlada kala hadleen wadooyinka u dhaxeeya Borama iyo jabuuti sidii loo hagaajin lahaa waxna laga qaban lahaa wadooyinka burbursan iyo xaga Tacliinta.

Sidoo kale halkaa waxaa ka hadlay Ganacsade Abiibakar Xuseen Miicad(Shiine Dheere) ahana Gudoomiyaha Gobolka awdal ee xisbiga Ucid

uuna sheegay inay ka wada soo hadleen sidii loo xoojin lahaa ganacsiga ka dhaxeeya jabuuti iyo Somaliland gaar ahaan Goboladan Awdal/Salal, waxa uuna sheegay in ay kala soo hoyden rajo aad u heersaraysa.

Sidoo kale halkaa waxaa ka hadlay Xidhiidhiyaha Gobolada Awdal /Salal ee xisbiga Ucid Dhinaca doorashooyinka Mudane Axmed Mu’min Seed, waxa uuna sheegay inay si wanaagsan u soo dhaweeyeen Suldaanka waxa ayna sheegey in uu suldaanka iyo waftigiisa maadaama ay taraag dheer soo mareen ay iska nastaan xiligan.

Sidoo kale waxa halkaa ka hadlay Duqa magaalada Borama Mudane C/raxmaan Shide Bile waxa uuna u mahadnqay waftiga waxa uuna sheegay inay waftigu daalan yahay sidaa darteedna loo baahan yahay in ay nastaa.

Ugu danbayn waxa Suldaanka iyo waftigiisa oo ka koobnaa tobaneeyo lagu soo galbiyay Gurigiisa oo ku yaala magaalaad Borama, waxaa halkaasna ku soo dhaweeyay dadwayne aad ufara badan oo ka qayb qaadanayay Soo dhawaynta Suldaanka iyo waftigiisa.

Source-bnn

Mareykanka oo shaaca ka qaaday inuu gacan ka geysan doono sidii dowladda Soomaaliya ay dib ugu qabsan lahayd Muqdisho

Idhanka — Wed, 10 Mar 2010 13:09:14 +0000

Arbaco, Mar 10, 2010 (Idhanka) – Taliyaha Ciidamada Mareykanka ee ku sugan dalka Afrika (AFRICOM) Gen. William Ward ayaa shaaca ka qaaday in dowladdiisu ay diyaar u tahay inay gacan ka geysato sidii Magaalada Muqdisho ay u qabsan lahyad dowladda Soomaaliya.

Gen. William oo la hadlayay Senate-ka dalka Mareykanka isagoo ku sugan Magaalada Washington ee dalkaas ayaa sheegay in howlgalka ay kaga qaybqaadan doonaan qaab Milateri, inkastoo uusan sharraxaad buuxda ka bixin.

“Waxaan gacan ka geysanaynaa sidii Dowladda Soomaaliya ay uga saari lahayd Magaalada Muqdisho kooxaha kasoo horjeeda ee xiriirka la leh Al-Qaacida” ayuu sarkaalkan u sheegay golaha Senate-ka, isagoo sheegay in howlgalkan uu wax weyn ka tari doono daganaasho la’aanta raagtay ee ka jirta Soomaaliya.

Xukuumadda Mareykanka ayaa sheegtay inay kordhinayso gargaarka dhanka ciidanka ah ee ay siinayso Dowladda Soomaaliya, si ay uga guulaysataan kooxaha kasoo horjeeda oo ay rumeysan yihiin inay xiriir dhow la leeyihiin Ururka Al-Qaacida.

Sarkaal Mareykan ah oo magaciisa qariyay ayaa todobaadkii hore u sheegay wargeyska The New York Times in ciidamo si gaar ah u tababaran iyo diyaaradaha dagaalka ee Mareykanka ay howlgalka ka qaybqaadan doonaan.

Magaalada Muqdisho ayaa waxaa inteeda badan gacanta ku haya xoogagga kasoo horjeeda Dowladda Soomaaliya, kuwaasoo iyaguna dhawaan sheegay inay iska difaaci doonaan weerar walba oo kaga yimaada Dowladda iyo Mareykanka.

Ilo wareedyo ka tirsan Dowladda Soomaaliya ayaa sidoo kale laga soo xigtay in ciidamada AMISOM ee ku sugan Muqdisho ay qayb ka qaadan doonaan sidii ay dib gacanta dowaldda ugu geli lahayd Magaalada Muqdisho

Source-Hol

TACSI KU SOCOTA QOYSKII MARXUUN PROF MOHAMUD HERSI(MAHDI)

Idhanka — Tue, 09 Mar 2010 17:10:55 +0000

DHAMAAN HAWLWADEENADDA SHABAKADDA IDHANKA IYO JAHLIYADDA SOMLILAND EE DEGAN OTTAWA, CANADA

WAXAY IYAGO OO KA TTIRAANYAYSAY TACSI U DIRAYAAN EHELIDDDII UU KA BAXAY WALAALKOOD MARXUUN PROF MAHAMUD HERSI OO KU GEERIYOODAY OTTAWA SHALAY.

ILAAHAY WAXAAN MARXUUNKA UGA RAJAYNAYNAA IN UU JANADDII KA WARAABIYO ,EHELKIISII IYO ASXAABTIISANA SAMIR IYO IIMAAN KA SIIYO ,

AAMIIN AAMIIN.

WEBMASTER WWW.IDHANKA.COM

CABDIKARIM XAAJI IBRAHIM NUUR

OTTAWA ,CANADA.

Booqashadii Madaxweyne Sheekh Shariif oo Habsami Uga Socota London

Idhanka — Tue, 09 Mar 2010 15:56:48 +0000

Madaxa Xafiiska Madaxweynaha
Agaasinka Warfaafinta

London, UK, March 8, 2010 – Madaxweynaha Soomaaliya ayaa maanta shirar badan kula yeeshay magaalada London madax ka tirsan dowladda Britain, isaga oo Madaxweynuhu ugu horrayn la kulmay Wasiirka Arrimaha Dibadda ee Ingiriiska David Milband, kaddibna ay kulan yeesheen Ra’iisl Wasaare Gordon Brown.

Kulamadaas dowladda Britain waxa ay u ballan qaadeen in ay dowladda Soomaaliya u fuliyaan dhammaan codsiyadii ay u gudbiyeen. Iyada oo madax kale oo fara badan loo ballamiyey wafdiga Soomaalida saddexda maalmood oo ka haray safarka.

Intaa kaddib, wafdiga Madaxweynahu waxa uu aqalka Baarlamaanka Ingiriiska kula kulmay wafdi ballaaran oo qaabilsan iskaashiga caalamiga iyada oo wafdiga dhinaca ingiriiska uu hoggaaminayey Wasiir Muslim ah, dhanka kalana ay ka soo qayb galeen xildhibaanno ka socda xisbiga Mucaaradka.

Madaxda dowladda Ingiriisku waxa ay Madaxweynaha u sheegeen in ay diyaar buuxa la yihiin gacan siinta dowladda Soomaaliya iyaga uu ku yri, “waan ku garab taagan nahay maxaa yeelay gacan siinta dowladdaada waa arrin sax ah oo xaq ah, danta dalkayaga ayaana ku jirta in aad ka guulaysato argagixisada.

Kulankaas kaddib, Madaxweynuhu waxa uu ka hadlay Xarunta aqoon is weydaarsigav ee Chatham House, halkaas oo kaddibna sul aalo badan ay waydiiyeen dadkii soo buux dhaafiyey oo isugu jirey Somali iyo aqoon yahan, safiiirro iyo aqoon yahan kale.

Maalintii koowaad ee Safarka Wafdiga Madaxweynuhu waxa ay ku dhammatay guul, isaga oo berri kulamo badan la leh, wasiirro badan iyo madax kale oo dalkan Britain ah.

Dhanka kalana waxaa Madaxweynaha Waraysiyo ka qaadaya maalmaha soo socda CNN,, Channel 4 iyo Al Jazeera.

Warfaafinta Madaxtooyada,

Diyaarad Nooca Dagaalka ah oo Maanta lagu arkay Hawada Magaalada Kismaayo

Idhanka — Tue, 09 Mar 2010 15:37:18 +0000

Dayaarad nooca dagaalaka una eg tan kor ku sawiran ayaa maanta galinkii dambe lagu arkayey hawada magaalada Kismayo

Talaado, Tuesday, March 09, 2010 (Idhanka) – Waxaa Maanta gelinkii danbe lagu arkay Hawada Magaalada kismaayo Diyaarad Nooca Dagaalka oo ku dulwareegeysay hawada magaalada kismaayo ee xarunta gobolka J/hoose.

Diyaaradan oo aan la garanayn halka ay kasoo duusha iyo weliba ujeedada rasmiga ah ee ay leedahay ayaa galabta lagu arkayay hawada magaalada kismaayo iyada oo ay diyaaradaasi ku dulwareegeysay daafaha magaalada, waxaana Ciidamada Maamulka Xarakada alshabaab ee ka arimiya magaalada kismaayo ay ku rideen hubka lidka diyaaradaha.

Shacabka ku dhaqan magaalada kismaayo ayaa waxa ay cabsi ka muujiyeen diyaaradani oo ah nooca dagaalka wallow aysan jirin wax dhibaato ah oo ay geysatay diyaarada.

Sikastaba ha ahaatee diyaaradani maanta lagu arkay hawada sare ee magaalada kismaayo ayaa ku soo beegmeysa xilli maalmahan si weyn looga hadal hayay koonfurta wadanka Soomaaliya duqeymo ay sheegtay dowlada Mareykanku in ay ka geysan doonto qaar kamid ah goobaha ay gacanta ku hayaan Ururrada Islaamiga ah ee Xarakada Alshabaab iyo Xizbul Islaam.

Source-Hol

Guddiga Doorashooyinka oo ku Dhawaaqay Shirkada la Siiyey Qandaraaska Samaynta Kaadhadhka Cusub

Idhanka — Tue, 09 Mar 2010 14:42:04 +0000

Hargeysa(Idhanka)- Guddiga Doorashooyinka Qaranka Somaliland ayaa maanta sheegay inay Shirkad Koonfur Afrika laga leeyahay siiyeen Qandaraaska lagu sameenayo Kaadhadh cusub oo lagu gali doono Doorashada Madaxtinimada Somaliland.

Shir jaraa’id oo ay maanta ku qabtayn Xaruntooda Hargeysa ayey Guddiga Doorashooyinku ku cadeeyeen inay bixiyeen Qadaraaskaas iyadoo Shirkaa Jraa’id uu ka hadlay Afhayeenka Guddiga Doorashooyinka Qaranka Md Maxamed Axmed Xirsi Geele

Shirka Jaraa’id oo Dhamaystiran ayaa wuxu u dhicay sidan:-

“.Sidii caadada inoo ahayd marka aynu muddo joognaba waxa aanu dadweynaha uga warami jirnay halka ay wax inoo marayaan, run ahaantii su’aal ayaa jirta had iyo jeer aad na waydiisaan oo ah goorma ayaad doorashada qabanaysaan ama ku dhawaaqaysaan, maanta shirka jar’aaid waxaan u qabanay ma aha ka jawaabida arrintaasi, su’aasha aan ka jawaabayaa waxay tahay waaxa weeyaan halkee ayay wax inoo marayaan, waxay inoo marayaan shaqadii Gobolada waanu soo dhammaynay, waxaanu soo dhisaynay Maamulkii Komishanka ee Heer Gobol iyo Degmo,

muddo laba wiig ah ayaanu ku maqnayn Bari iyo Galbeedba taasi iyada waanu soo dhammaynay, si fiicana way noogu soo dhammaatay oo aanu isku waafaqsan nahay anaga iyo Xisbiyada Qaranka ee ay khusayso, wayse iska jirayaan kollayba cabashooyin meel walba ka soo baxaya marka hawl la galo, laakiin waxay u muuqataa wixii khalad ah ee dhaca ee khafiifa ee la liqi karo la iska dhaafo, anaga iyo Xisbiyada wax khilaaf ah oo ka dhashay maamulkaasi aanu soo dhisnay ma jirto.

Arrinka ugu muhiimsan ee aanu shirkan jaraa’id u qabanay waxa weeyi waxaad maqasheen ama dadweynuhu maqleen in la bixinayo kaadhadh cusub oo lagu footeeyo waa xaqiiqo jirta weeyi hore ugamaanaan waramin, sababta aanaan uga waramin waxay ahayd Xeerka inoo yaala ayaa waxa uu dhigayaa Komishanka ayaa badali kara Kaadhka oo nooc cusub soo saari kara oo uu xeerku u jidaynayaa isagoo kala tashanaya Wasaaradda Arrimaha Gudaha iyo Xisbiyada Qaranka,

dabadeeto inta aanaan dadweynaha u soo bandhigin waxay ahayd iyaga in aanu la tashano, wada-tashigii aanu la yeelanay Xisbiyada ee runtii warku ka soo baxay oo dadweynaha gaadhay iyagaa Jaraa’idka u waramay laakiin wax tafaasiil ah oo kale aan ka sii bixin, isla markaa waxaanu sugaynay Miisaaniyadii iyo kharashkii lagu soo daabacayay wax jira weeyi oo xaqiiq weeyi, marka la sifeeyo Liiskii hore ee Diiwaangelinta ee inaga xumaaday ee khaladaadka badani ay galeen marka la sifeeyo ee wixii ku cel-celin ah laga saaro inta inoo soo hadhay ee saafiga ah ayaa la siin doonaa kaadhadh cusub, dadweynahana aanu u soo bandhigi doonaa, goobihii hore ee laga codeeyay aanu gayn-doonaa liiskii cusbaa iyo kaadhadhkii cusbaa ayaanu goobihii hore ee la iska diiwaangelaiyay gayni doonoo dabadeedna dadku halkaasi ayay iman doonaan sidii markii horebe ay u yimaadeen ee ay isku diiwaangeliyeen halkaasi ayuu qof waliba ka qaadan doonaa kaadhkiisa cusub labadii hore ee la siiyayna laga xarayn doonaa wixii tafaasiil ah ee halkaasi ka iman doona iyo qofkii iska waaya arrimaha noocaas ah olole balaadhan oo wacyi gelin ah oo aanu qaadi doono ayaa lagu tafaasiilayn doonaa. Waxase aan dadweynaha u sheegayaa sababta aynu u sammaynay waxa weeyi khaladkii hore ee inaga galay Diiwaangelintii hore, kala sifayntii wakhtiga inagu qaadatay ee aanu wadnay dhinac kasta markaanu ka eegnay si loo helo Doorasho xalaal ah oo ay uga soo baxdo natiijo xalaal ah waxa daruuri noqotay in la badalo kaadhadhkii hore kuwa cusubna la sammeeyo oo kuwii hore ka adag oo aan la foojari garayn karayn, taasina waa la isla qaatay, Wasaaradda Daakhilga waanu isla qaadanay maca Design-kii waa la sammeeyay Axsaabtuna way nagu waafaqeen, Nimankii qaadhaan bixiyayaasha ahaa ee lacagta bixinayayna way waafaqeen in ay galiyaan lacagtii, qandaraaskiina waan bixinay dhawr Kambani ayaa u soo tartamay dabadeedna kii ugu fiicnaa ee ugu dhakhsaha badnaa ee ugu amaansanaa ayaanu qaadanay dhowr shirkadood oo Somalilander ah ayaa ku jiray,

Qandaraaskuna wuxuu ahaa mid Caalamiya oo ay ka soo qayb geli karaan Shirkadaha waaweyn ee Caalamku iyo kuwa reer Somaliland-ba, dhowr Kambani ayaa soo tartamay oo aad u fiicnaa oo reer Somaliland ah, laakiin duruufaha aynu joogno markaanu eegnay waxay noqotay kuwii wadaniga ahaa in lagaga wanaagsanaaday shuruudihii markaas aanu doonaynay tiiyoo aan macnaheedu ahayn waxa la qadiyay dad wadani ah waxaanay arrintu anaga noola muuqatay sida hawshaasi anaga noogu suurta-galayso in cidda ugu fiican ee inoo sammayn karaysa amingeeda iyo nidaamkeedu fiican yahay ayuu hamigeenu ahaa, nin wadani ahi wax ha helo ama yaanu wax waayin midna may ahayn, kii ugu habboonaa ayaanu qaadanay.

Arrin kale ayaa jirta oo dadku aad isku waydiiyaan oo ah Server-ka hawshiisii halka ay marayso tolow wax ma ka soo baxayaan mise waxba ka soo bixi mayaan, hore ayaan idiinku sheegay sidii uu u shaqayn lahaa, gogol dhig ayaanu wadnay, aqalka marka la dhisayo seeska waa la qodaa, sagbad iyo nidaam ayaa lagu shubaa, inta hore ma muuqato oo dadku ma arki karaan wax dhismay, horte seeska ayaanu soo wadnay, imika uun baanu talaabadii u horaysay qaadaynaa, Server-ka hawshiisii waa lagalay, laba nooc ayuu noqonayaa midi waa ka isagu iskii isku sifaynaya ee Duplicate-ka iyo dadkii ku cel-celiyay soo saarayo midna waxa weeyi qaladaad kale oo aanu mishiinku soo saari Karin ileen mishiinku caqli malahee taasna in loola tago gacan aadami oo ay ishu eegto, waxa jira ilaa dhowr iyo sagaashan kun oo cod bixiye oo server-kii hore akhriyi kari waayay ayaa jira oo Xisbiyadu mar taasi isku raaceen in meesha laga saaro, haddana waxay noqotay tiro aad u faro badan oo aan laga tagi Karin, taasi waxay kaliftay in aanu u sammayno Tiimam faro badan ama dad aqoon u leh IT-ga aanu galino, kuwii uu kala saari kari waayay Server-ku way soo baxeen wixii khalaad ah ee ku jirana waa laga saarayaa, haddaan idin tuso dadka khaladaadka sammeeyay waxa jira caruur yar oo kuraas la saaray oo is diiwaaneliyay, waxa jira nin qori sita.

Xeerka Diiwaangelinta ayaa wuxuu dhigayaa marka la dhameeyo diiwaangelinta Gobolada iyo Degmooyinka ma jiro qof dambe oo la diiwaangelinayaa, diiwaangelin cusub waxa la furi doonaa uun marka ay dhammaadaan Doorashooyinka inagu soo fool leh ee Madaxweynaha illaa ta Dowladaha Hoose, kuwaasi marka ay dhamaadaan ayaa Komishanku ku dhawaaqi doonaa wakhtiga dambe ee la qabanayo Diiwaangelinta, dadkii aan is diiwaangelin waxaanu u sheegaynaa in aanay jirin diiwaangelin cusub oo la sammaynayo.

Si haddaba Doorasho xor iyo xalaal ahi inoogu dhacdo in la inoo maal-geliyo mar labaad bixinta kaadhadhkaasi cusub, markaasi dhinaceenii ay timid oo intii kale soo dhammaynay aduunkii ina caawi, maal wixii uu ina siin lahaa ina sii, khubaro wixii uu ina siinayay in sii, waa la shaqaynayaa, doorkeenii ayaa yimid, taas dambe haddii aynu sidii tii hore u kharibnay u kharibno wax inoo hagaagayaa ma jiraan, haddaynu hagaajino way inoo hagaagaysaa,

sidaasi darteed waxaan maanta dadka ka codsanayaa waxa imika la sammeeyay dad uun baa sammeeyay kuwa ku cel-celiyay inaga uun baa sammaynay guryaheena ayay joogaan waa qof wal oo kasta oo qaatay laba kaadha ama wax ka badan waad ogtihiin inta qof ee is diiwaangelisay ee ku cel-celisay haddii ay jirto taasi waxaanu ka codsanaynaa dadkaasi in ay iskood iskaga keenaan kaadhadhka dheeraadka ah ee ay is diiwaangeliyeen, hal kaadh ayaanu u ogol nahay, kii meeshii ugu horaysay iska diiwaangeliyay mid ayaanu u ogol nahay, haddii aad Ummad Islaam ah aad tihiin oo wadankeena iyo aayihiisa dan aynu ka leenahay waxaanu idinka codsanaynaa oo aanu baaq ujeedinayaan cidii hal kaadh wax ka badan qaadata in ay iskeed iskaga soo celiso oo maalinta aanu bandhiga sammaynayno keenaan ama ka hor ay keenaan xafiisyada Gobolada ee Komishanka, taasina waxay noo hawl yaraynaysaa in ay noo soo deg-degto hawshii shaqadu oo mishiinka aanu ku baadhaynaa hadaanu ogaano oo ay aroorta iska keenaan xafiiska noogu keenaan dee waa laga saari doonaa.”

Source-Bnn

Madaxda Puntland iyo Mudanayaal ka tirsan Barlamanka Somaliya oo kawada hadlay xiriirka Labada dhinac

Idhanka — Tue, 09 Mar 2010 14:38:12 +0000

Talaado, March 09, 2010(Idhanka): Wafdi ka socda Barlamanka Somaliya oo dhawaan soo gaaray Magaalada Garowe ayaa la kulmay Masuuliyiin ka tirsan Golaha Wasiirada Puntland ka dib shir ka dhacay Madaxtooyada Caasimada.

Xildhibaanada yimi Puntland waxaa hor kacayay Xasan Abshir Faarax ,waxaana kulamadii ay yeesheen Mudanayaashaasi iyo Puntland ay uga wada hadleen Xiriirka ka dhaxeeya Dawlada Somaliya iyo Maamulka.

Wasiirka Warfaafinta Puntland C/xakiim Axmed Guuleed oo shir ku qabtay Gorowe ayaa sheegay in xildhibaanada ay u sii gudbi doonaan qaybaha kale ee Puntland ,inkastoo ay jiraan warar beeninaya Kulanka dhex maray Puntland iyo Dawlada Somaliya.

C/xakiim Axmed Guuleed Wasiirka Warfaafinta Puntland ayaa tilmaamay in xiriirka Puntland iyo Dawlada KMG ah ee somaliya uu aad u xumaaday Bilahan danbe,balse la hagaajin doono.

“Kulankeena badanaa waxaan uga hadalnay xiriirka labada dhinac waxaana ay dhambaal ka sideen Masuuliyiin ka tirsan Dawlada Somaliya” ayuu yiri Wasiirka oo la hadlay qaar ka mid ah Warbaahinta.

Mudanayaasha ka socda Parlamanka Somaliya ee ku sugan Magalada Garowe ayaa lagu wadaa in ay la kulmaan qaar ka mid ah Isimada Puntland,iyadoo uu jiro war sheegaya in Xildhibaanadan ay danno gaar ah u joogaan Puntland.

Maamulka Puntland ayaa todobaad ka hor sheegay in la sii wadayo Heshiisyada ku aadan dhinaca Mashaariicda,Waxaana Iminka kulamada ka socda Gorowe ay u muuqdaan kuwii xaalada wax ka badali kara.

Source-Hol