War Degdega: Dhalinyarada Reer Zaylac Oo Xukuumada Ugu Baaqay Inay Amaanka Waxka Qabato Hadii Kale Ay Gacantooda Ku Sugi Doonaan Amaanka Dagmada Saylac

War Deg Deg Ah

Kadib dagaalo hoos hoos ah iyo hanjabaad tirabadan oo ay dhalinyarada beelaha gadabuursi ee degaanka degmada Zayalac ay ka dareemeen qaar ka mida nimankii Budhcada ahaa ee dhawaanta ku kufsaday sadexda hablood oo aan ilaa haatan aanay jirin cid wax kaqabatay, sidoo kalena waxaa ay shalay bilaabeen arimo amni daro ah oo ay ku beegsanayaan dadka degaankaasi ay la daganyihiin ee Gadabuursi.

Hadaba waxaa ay maanta ku qabteen dhalinyarada Beelaha Gadabuursi ee deegaanada degmada Zaylac ee haatan ku sugan magaaladaasi shir-jaraa’id oo ka dhana xaaladaha amnidaro ee ka jira magaalada zaylac iyo guud ahaanba deegaanada ku xeeran, waxaanay shirkan jaraa’id maanta ay ugu direen xukuumada iyo masuuliyiinta degmada Zaylac ee ku sugan gobalka Salal sidii ay wax uga qabanlahaayeen arimahaasi oo u eeg inay keenaani karto colaad iyo dagaalo aan laga soo kabandoonin.

Waxaa ay gababadii dhalinyaradani ay ku wargaliyeen cidkasta oo ay khusayso amaanka guud ee dalku iyo ka degmada Zaylac hadii ay nimankaasi hubaysan ee Budhcada ah lagaga saari waayo deegaanka mudo dhan 24 saacadood inay iyaguna soo qaadan doonaan hubkooda oo ay gacantooda kaga nadiifin waayaan nimankaasi Budhcada ah ee isku dayaaya inay khalkhaliyaan deegaankooda, waxaanay intaasiku dareen in aanay habayaraatee u ogolaandoonin cidkasta oo isku dayaysa inay wax yeeleeyaan dadka iyo duunyada deegaanka Zaylac ay gacantooda ula tagi doonaan.

Sikastaba ha ahaatee shirkan jaraa’id ee ay dhalinyarada beelaha Samaroon ku qabteen degmada zaylac ayaa waxaa ay ku soo beegmaysaa xili ay maalmihii u danbeeyay ay ka wadeen colaado hoos hoos ah iyo kuwa muuqda qaar ka mida nimankii budhcada ahaa ee jidgooyada ka waday deegaanadaasi, gaar ahaana degmada Zaylac.

source-Cadceed

Be Sociable, Share!
Both comments and pings are currently closed.

Comments are closed.

Get Adobe Flash player