Xafiiska Af-hayeenka Madaxtooyada JSL

Xafiiska Af-hayeenka Madaxtooyada  JSL

23/02/2011

Baaq Madaxweyne

Bismillaahi Raxmaani Raxiin, marka hore waxan tacsi u dirayaa cidkasta oo uu khasaare ka soo gaadhay dagaalada ka dhacay Deegaanada Buuhoodle, waxaanan baaq nabadeed u jeedinayaa cid kasta oo faraha kula jirta.

1. Isla maalintii aan xilkan qabtay iyo Intii ka danbaysay waa markii Afraad ee aan Baaq nabadeed iyo gogol u fidiyo Cidii tabasho siyaasadeed qabta.

2. Waxa aanu dirnay oo goobta tegay ergo balaadhan oo mudo dheer hawshaa ku jirtay, ergadaasoo ka koobnayd Wasiiro, Madax-dhaqameed, Culimo, Madaxda Xisbiyada iyo waxgarad kale.

3. Ergedaasi markii ay mudo joogtay ee ay labada dhinacba la kulantay waxay gaadheen go’aamo. Nasiib daro go’aamadaasi may noqonin kuwo ay arrintu ku dhamaato oo waa la diiday

4. Halkaa kagamaanu hadhin ee waxan ka bixiyey amaro cadcad oo xiisada lagu soo af-jaro.

Jawaabta ay kooxda Nabad diidka ahi ka bixisay dhaq-dhaqaadaa nabad doonimo ee ay Xukuumada Somaliland u fidisay.

1. Saddex goor ayey Ciidanka Qaranka ku soo weerareen Fadhiisankooda.

2. Wasiirkii Kalluunka ee Putland oo si badheedha u dhiiri geliyey Colaada.

3. Madaxweynaha Puntland laftiisa oo qirtay, isla markaana dagaal ku baaqay, Xildhibnada iyo Wasiiradda Puntland ee gurmadka ku jooga jiida ay xasilooni daradu ka jirto.

Waxaas oo dhami naga niyad-jebinmayaan dedaalkii nabad doonimo ee aanu horeba u wadnay, sidaa awgeed waxan markale ku celinayaa walaalaayaal caqligu ha shaqeeyo, colaaduna waxba ma tarto, ninka ku deg-degaana kuma faa’iido, dhibaatada soo gaadha shacbiguna, dhinackastaba ha joogaane wayna damqaysaa.

Ciidamada Qarankuna hawsha ay hayaan waa tii ay u xilsaarnaayeen.

Waxaanay garab taagan yihiin dedaalka nabad-doonimo ee Somaliland doonayso.

Source-Qarannews
Be Sociable, Share!
Both comments and pings are currently closed.

Comments are closed.

Get Adobe Flash player