Mudaharaadayaasha ayaa ka cabanaayey in deegaan ahaan aan waxba laga siin xubnaba cusub ee golaha wasiirada ah, waxaanay sheegay in ay mudaharaadkii sii wadi doonaan hadii aan laga noqon sida ay sheegeen talaabada uu ku dhaqaaqay madaxweynaha Somaliland.

Dadka mudaharaadka dhigayey ayaa u badan dadka ka soo jeeda deegaanka Sayla Bari gaar ahaana (Ayuub Sheesh Isaxaaq).

Mudaharaadayaasha ayaa ilaa hada lagu soo waramayaa inay wadaan, waxaana la sheegay in dad badan oo ka tirsan dadka mudaharaadka waday in la xidh xidhay.

Ciidanka booliska ayaa ilaa hada la tacaalaya sidii ay mudaharaadayaasha u kala kaxayn lahaayeen, balse uma suura galin, in kastoo ay qayb ka mida xabsiga loo taxaabay.

Waa markii ugu horaysay ee xukumada cusub lagu mudaharaado, tan iyo markii lagu dhawaaqay xubnaha cusub ee wasiirada.

Qaar ka mida dadka degan xaafada Isha Boorama oo aan khadku tilifoonka kula xidhiidhnay ayaa noo sheegay inay mudaharaadkii sii wadi doonaan hadii aan wax laga bedelin qaabka loo xulay wasiirada, waxaanay intaas noogu dareen in aanay sidaas ka filayn madaxweynaha cusub ee Somaliland.