Sixirlow Sacbaa kaa mudane diiday sawdkaaga

June 14 – (Idhanka)-Waa tix gabaya oo uu Madaxwayne Rayaale kaga jawaabayo hadalo deelqaafa oo nin layidhaa Dr Cumar uu kula kufay Madaxwaynaha ninkaasi oo maanso afaraya websityada kulmiye Awdal u diray. Waxana ka mid ahaa erayada uu halqabsiga ka dhigatay ninkaassi (Sawdkayga Maqal Daahirow Seegtay Marinkiiye) Daahirna waxa uu kaga jawaabay erayadaa maanso kooban oo la yidhaa (sixir ) erayadeedana ay ka mid yihiin (Sixirow Sacbaa Kaa Mudane Diiday Sawdkaaga) hadaba tixdii(sixir ) oo maadaaba Rayaale uu ku mashquulsanyahay ol-olaha doorashada uu u soo dhiibay Cabdale Farax Sigad waatane akhris wacan.

Cumarow Sagsaag iyo sirtaad maaganayd saaka soo helaye

Salsalooga samaroonimadu waa sawaxankiine

Hadaad tolnimo saafiya wadaan ima suldaarteene

Markaan sooryada la cuni badhkiin ima sumeeyeene

Safar kuma maqniye arlida waan ku suganuune

Sixirlow Sacbaa kaa mudane diiday sawdkaaga

Abidkiinba taariikh siloon baad ragyahaw suuqa marisaane

Sacadiintu waa meel sabooloo cidna sooryayne

Hadaan suuq u helay waxay ahayd inaad igu salaantaane

Soomalidaan libinta bixin oo waa siday tahaye

Sinyartiyo kuwaan sahdiga lahayn baad sasabataane

Sixirlow Sacbaa kaa mudane diiday sawdkaaga

Sikhiraada ficil la isku siro saban lasoo dhaafye

Samaroon haduu seef watuu sugi amaankiisa

Sacabada maqaban oo anigu sooma ma aan odhane

Hadaad saadiyo tihiin niman ficilku saaqaayo

Aakiyo sanjeexaad sidaan biyo ma siidayne

Ilfisada sunteedaad aniga ila sugaysaane

Sixirlow Sacbaa kaa mudane diiday sawdkaaga

Sanka jeexan waa laga simoo sumadu waa beene

Anigoo sargaalkii dalkaad ninkale sacab u miistaane

Xidhiidhkiina seeraha ka baxay ee bari guntii saaran

Xinka waad ka sinmantihiin dhamaan reer sahwiyayoowe

Sobobtiina waan wada ogoo nacayb surmiya weeyaane

Sixirlow Sacbaa kaa mudane diiday sawdkaaga

Sooyaalka taariikhda kama sahwiyo sobob la,aanteede

Selel waxan u bixin sobobta daayeere

Surgimaha an xidhina ragbaa galin suxuladoodiye

Samihii la diidaan u diri samada guudkeeda

Oo ninkaan aniga footkii isiin arlida waa inaan kasaariye

Sabankani waxbaan kala sifayn oo saaxigaa xigaye

Ninkaan saajin ii noqoninow siliga waydaaro.

Cabdale FaraX Sigad