Iska hor imaadyo goos goos ah oo u dhaxeeyay Ciidamada AMISOM, kuwa Dowladda KMG oo isku dhinac ah iyo Kooxaha ka soo horjeeda ayaa maanta ka dhacay degmada Hodan ee magaalada Muqdish
.
Iska hor imaadkan oo watay Duqeymo ayaa waxaa uu dhacay Nawaaxiga Tarbuunka iyo Isbitaalkii xooga, waxaana la maqlayay maanta madaafiic xoogan oo ahaa kuwo la is dhaafsanayay.
Laba ruux oo rayid ah ayaa la xaqiijiyay in ay ku dhaawacmeen dagaalada iyo duqeymaha dhex maray labada dhinac, waxaana wali adag in la ogaado qasaaraha kala gaaray..
Dhaawacyada dadka shacabka ah waxaa la gaarsiiyey Isbitaalka Madiina ee Magaalada Muqdisho, sidoo kalena dagaalka saamayn ku yeeshay isku socodka gaadiidka BL-ka iyo kuwa sida gaarka ah loo leeyahay ee isticmaala agagaarka Isgosyka KM4.
Maalmihii u dambeeyay ayaa waxaa ka jiray degmada Hodan Iska hor imaadyo u dhaxeeyay Ciidamada AMISOM iyo dhinacyada ka soo horjeeda, waxaana iska hor imaadyada ay yihiin kuwo soo noq noqday
Source-Qarannews
