Idhanka.com

Jimco, November 20, 2009(Idhanka): Xullka qaranka K/cagta Soomaaliya oo ka qeyb galaya koobka 33-aad ee Bariga iyo Bartamaha Africa ee CECAFA ayaa ku qeyb noqday Xulalka Zimbabwe, Rwanda iyo Eritrea, kaddib markii la sameeyay isku aadka ciyaarahaas. Xiriirka K/caga ee bariga iyo bartamaha Africa ee CECAFA ayaa galabta si rasmi ah u sameeyay isku aad aadka ciyaaraha xulalka ee bariga iyo Bartamaha Africa, kaddib markii ay maaligalin rasmi ah ka heleen shirkadda is-gaarsiinta ee Orange.

Ciyaarahan oo lagu kala ciyaari doono magaalooyinka Mumias iyo Nairobi  ayaa 28-ka bishan November  waxay ka billaaban doonaan garoonka  Nyayo Stadium ee magaaladda Nairobiwaxaana ciyaarta furutaanka wada ciyaari doona Kenya iyo Zambia,  waxaana ka soo  qeyb galaya 12-xul  oo loo qeybiyay 3 group, waxayna  kala yihiin (A) Kenya, Zambia, Ethiopia iyo Djibouti, (B) Somalia, Zimbabwe,  Rwanda iyo Eritrea, (C) Uganda, Tanzania Burundi iyo Zanzibar.

Xulka Soomaaliya oo 2-dii ee la soo dhaafay tababar xoog leh ku qaadanayay  magaaladda Muqdisho ayaa nasiib u helay inuu ku biiro qeybta C ee la aaminsanyahay in ay ku jiraaan xulalka ugu tabarta yar ee tartankan, waxaana halkaas ka muuqta in haddii ugu yaraan 4-dhibcood oo la mid ah badis iyo bar-bar dhac uu si rasmi ah ugu soo bixi doono wareega 2-aad ee tartanka,  iyadoo sidaas oo kale nasiibkoodu noqday in Magaaladda Nairobi oo ay ku noolyihiin dhowr boqol oo kun oo Somali ah  oo dhalinyaro u badan ay ku ciyaari doonaan.

“Waxaan aad iyo aad ugu faraxsanahay in dhammaan xulalka bariga Africa ay xaqiijiyeen ka soo qeyb galkooda, gaar ahaan Xulka Somalia, sababtoo ah wadankooda waxaa ka socda daagaaloo, sidaas daraadeed si gooni ah ayaan uga faraxsanahay ka soo qeyb galka xulka Somalia, runtiina waa xulka kaliya ee aan weligiis ka maqnaan ciyaaraha Bariga Africa, waxaana wadanka Somalia u rajeynayaa Nabad waarta” ayuu yiri Xoghayaha guud ee xiriirka K/cagta CECAFA Nicolas Musonye oo aan kula xiriiray qadka telefoonka kaddib soo saaristii isku aadka.

Guddoomiye ku xigeenka Xiriirka K/cagta Soomaaliyeed Axmed Nuur Xasan Xasan C/lle ayaa ugu baaqan dadka faraha badan ee Soomaaliyeed ee ku dhaqan wadanka Kenya in ay si kal iyo laab ah u taageeraan xulkooda, isla markaana soo buuxiyaan garoonka Nyanyo oo inta badan xulka somalia uu ku ciyaari doono’ “Sanadkii hore markii  xulka somalia uu joogay magaaladda Kampala wadan Uganda, waxaa si aan kala go’ laheyd xulka u taageeray dhammaan soomaaliya ku nool wadankaas oo noo muujiyay in taageero la’aan aysan ku dhci doonin ciyaartooyda qaranka” ayuu sii daba dhigay Mudane Axmed Nuur.

Ciyaarahan oo aad u xiiso badan wixii war ah ama natiijo ah ee ku soo krodha halkan ayaad kala socon doontaan, iyadoo isku aadka xulaka uu yahay sidan:

CECAFA/ORANGE SENIOR CHALLENGE CUP IN KENYA

28^TH November To 13^th December 2009

                                                        ISKU AADKA.

A. Nairobi                              B. Nairobi                            C. Mumias

Kenya                                     Zimbabwe                              Uganda

Zambia                                   Rwanda                                  Tanzania

Ethiopia                                  Eritrea                                    Burundi

Djibouti                                  Somalia                                  Zanzibar

CADEYN: Labada xul ee group kasta ugu dhibcaha badan iyo labada xul ee loo arko in ay ugu ciyaaro wanaagsanaayeen tartanka ayaa si rasmi ah ugu soo gudbi doona wareega 2-aad.

Source-hiiraan-Idhanka.